Значи на 27,28,29 Јуни се одржа третиот по ред Sk8 контест во Копер, Словенија во организација на Пендрек Маг. Позитивна работа е тоа што и екипа од Македонија, за прв пат учествуваше на таков натпревар (може да се каже најголем на балканот). Од Скопје тргнавме на 26 негде околу 19 часот.

Планот ни беше да стигнеме некако до Софија, и од таму нашите другарчиња - sk8eri (Валентин и Роди) да не чекаат и со кола да тргнеме накај Словенија.
Значи од Скопје не однесоа со кола до граница (Зоко многу ни помогна), и таму пешки влеговме во Бугарија. Немаше никакви проблеми кога ја проаѓавме границата (освен што еден бугарски цариник ме тераше да направам kickflip). Од таму фативме таџи накај Софија (имавме среќа што не не киднапираа, зашто во Бугарија такви работи често се дешаваат). Во Софија стигнавме накај 22-23 часот вечерта, и одма тргнавме накај Словенија. Патувавме негде околу 12 саати (ако не и повеќе), али воопшто не беше досадно зашто со бугарите сме супер екипа. Немавме проблем по пат, и не чекавме многу на границите.
Така цела ноќ патувавме и сабајлето стигнавме во Љубљана. Таму ни се приклучи Блажо, и го комплетиравме составот. Така сите петорица (Валентин, Роди, Блажо, Фичо и јас (Перо) тргнавме накај Копер. Кога стигнавме таму одма се чуствуваше позитивна енергија. Море, сонце, што сакаш повеќе? На паркингот во градот се најдовме со екипата од Србија (Дарко, Паја, итн...) и одма ни покажаа каде е sk8parkot, али таму имаше многу малку луѓе, а и уште се правеше и новиот елемент. Првиот ден, значи 27 јуни, го поминавме заебавајќи се низ градот. Го разгледавме sk8shop-ot (упс.. мала реклама;)), се бањавме и тие работи.. Али многу малце возевме дека беше премногу топло, а и уште не беа поставени рефлекторите, а преку ден ќе се стопиш ако возиш. Вечерта се пушташе музика и се дружевме со луѓето кои веќе беа таму. Така некако помина првиот ден во Копер.
Утредента на 28 требаше да биде натпреварот. Сабајлето без размислување отидовме да се бањаме со екипата од Србија. Кога се вративме назад во sk8parkot, веќе беа дојдени скејтерите од Хрватска и Словенија и веќе се праеше парче, летаа трикови на сите страни...
Од словенските скејтери беа Тибор Реп, Игор Крагељ, Матеја Ребец, Фоги, Андзи, Примож Јан, Урош Ковач, а од Хрватските беа Самир Куртагич, Миро Петкович... Кога малце залади почна натпреварувањето за тие под 16 години. Имаше многу мали деца што маме ебаваа.. мерак ти е да ги гледаш. Вечерта беше главното дешавање. Натпревар за тие над 16 години, каде што јас и Блажо требаше да возиме. Мислам дека имаше негде околу 30-40 пријавени скејтери.
Првиот run траеше 30 секунди. Јас бев 7 по ред. Така целиот усран чекав да ми го прочитаат името. Трикови што ги направив во таа прва серија беа: Smith Grind, 5-0 на ledge, frontside kickflip на flat, grind 50-50 на handrail и само на крај не ми успеа frontside boardslide со shove-it out. Али сепак не беше лошо, зашто нема кај нас таков парк и ти треба време за да се навикнеш. Додека возев имаше супер атмосфера, сите се дерат, сликаат од Пендрек и тие работи. Брзо после мене беше и Блажо на ред, али за жал слабо му тргна. После првиот run од 60 секунди, останаа само 20 скејтери (меѓу кои бев и јас). Сега се возеше во 4 групи по 5 скејтери и време од 5 минути. Ја се паднав во група со Игор Крагељ, Примош Јан... Тука веќе се правеа поквалитетни трикови (они го имаат научено паркот). Во вториот круг ги повторив истите трикови од првиот плус kickflip и heelflip на bank, али не беше доволно за понатаму пошто другиве веќе правеа парче. Значи јас стигнав до топ 20 и сметам дека тоа не е мал успех, водејќи сметка од каде доаѓаме. Значи после од тие 20 останаа само 8 меѓу кои беа Роди, Андзи, Крагељ, Тибор, Паја, Куртагич и еден скејтер од Копер што незнам како се вика. Сега беа распоредени во 2 групи по 4-ца. Во првата група беа Роди, Куртагич, тој скејтерот од Копер и уште еден. Тука Роди направи парче.. switch nosemanual fakie kickflip out, switch nosemanual 360kickflip out, kickflip nosemanual nolie kickflip out, kickflip frontside board slide-и и тука публиката се запали и маваше со даските од земја. Меѓутоа додека возеше 1-та група, првин тој скејтерот од Копер си ја пукна аркадата додека правеше 360 kickflip transfer, а Самир Куртагич си ја сркши раката додека правеше ollie transfer to noseslide. Тоа се случи во рок од 1 минута. По ова сите престанаа да возат и не се знаеше што ќе биде понатаму. После некое време комисијата одлучи да го прекине натпреварот и вкупниот паричен фонд (кој беше наменет за наградите), го поделија на 8 дела и секој доби еднаков дел. Значи сите 8 што влегоа во полуфинале испаднаа победници.

После натпреварот имаше свирка. Свиреа некои словенски бендови, имаше зезање, многу позитивна енергија. Утредента, на 29, почна многу да врне па така одлучивме да тргнеме накај дома. Во секој случај одлично беше и покажавме дека и тука во оваа посрана земја се вози озбилно sk8!!!

Перо (Sk8MKD Crew)

---

Статистика: