2004 Упдејт...
Скејтпаркот више го нема. На негово место се гради Трговски Центар. Сцената повторно се префрли на кеј. Има иницијатива за изградба на нов скејтпарк но за сега сеуште нема ништо од тоа.

до следниот пат... поздрав.

Почнавме да се тркаламе на даските летото ’89 и ни стана интересно. После неколку сезони почнавме сето тоа да го сваќаме се посериозно. После неколку години, покрај сите глупости што се случија на балканот, ние сеуште се тркалавме. Да се одржи скејтбордингот во Македонија во живот беше есенцијално за неколкуте скејтери што останаа. Конечно во 1996 работите тргнаа кон подобро. Во 1997 на лизгалиштето на кале се направи првиот скејтпарк, почна да расте и бројот на скејтерите. Сепак скејтпаркот на кале не издржа долго и сопственикот го затвори. Тогаш повторно направивме олие*1 кон улиците (природното окружување на скејтерите). Во 1999 старата идеја за изградба на скејтпарк повторно заживеа. (но овој пат сериозно го сфативме тоа). Добивме помош од владата и сега скејтаме во нашиот рај од 4200 метра квадратни. Во 2000 се отвори првата продавница за скејтборд опрема „091“ и со тоа недостатокот од опрема изчезна. Нашата мала земја има многу интересни места за возење. Денес работите се многу подобри. Во Скопје има две продавници специјализирани за скејтборд опрема. Бројот на скејтерите расте, скејтпаркот добро служи, (но му треба реконструкција). Тоа би било се за сега...

„Од Дружината“

*1 "Ollie", Скејтборд трик - Скок во воздух кој се изведува така што со задната нога се удира задниот дел од скиролот од земја, а со предната се влече нанапред по шмирглата.